Sut i Ymuno a Chyflwyno Gwaith:

• Cwblhewch y ffurflen gyflwyno ar-lein.

• Rhaid labelu pob gwaith. Dylai pob darn gael label ar y cefn (glud neu dâp yn dderbyniol) gyda: Cyfenw_TeitlYgwaith.

• Dylid trefnu danfon y gwaith celf (cyfrifoldeb yr artist) fel y nodir yn y briff neu drwy gysylltu â Lois Adams (lois.adams@cwmpawd.org).

• Gellir casglu gwaith celf ar ddiwedd yr arddangosfa.

​

Cymhwysedd a Dethol:

• Mae’r alwad agored hon ar gyfer pob artist – cyfeiriwch at y Briff.

• Nid oes cyfyngiad oedran – mae croeso i bawb.

• Croesewir pob arddull a chyfrwng.

• Nid oes unrhyw ofynion addysgol.

• Bydd y dewis a’r curadu yn cael eu gwneud gan Lois Adams a’i thîm.

• Mae Lois Adams yn cadw’r hawl i dderbyn neu wrthod unrhyw gyflwyniad ar gyfer yr arddangosfa/prosiect hwn.

• Nid oes tâl cyflwyno.

​

Canllawiau:

• Maint mwyaf y gwaith: rhaid iddo allu mynd drwy un drws safonol (850mm x 2040mm).

• Ar gyfer gwaith ar gynfas i’w hongian ar waliau’r arddangosfa, yn ddelfrydol dim mwy na 2 x 3 metr.

• Dim fflamau noeth, dim carthion, na deunydd darfodus megis llwydni. Rhowch wybod ymlaen llaw os oes gan eich gwaith unrhyw ofynion arddangos unigryw a allai fod yn beryglus i bobl neu i’r adeilad. Rydym yn cadw’r hawl i benderfynu a yw’r gwaith yn addas ar gyfer yr arddangosfa hon.

• Rhaid i waith gael ei gyflwyno’n barod i’w arddangos, e.e. yn barod i’w hongian. Os oes angen plinth, sgrin/monitor neu drydan, rhowch wybod i ni a byddwn yn gwneud pob ymdrech resymol i fodloni’ch gofynion yn unol â chyfleusterau ac adnoddau’r lleoliad. Drwy gyflwyno gwaith nad yw’n barod i’w hongian, rydych yn caniatáu i Lois wneud y paratoadau angenrheidiol ar gyfer arddangos, gan gynnwys atodi D-rings neu wifren hongian.

• Creuwch waith sy’n ddiogel i’r cyhoedd, heb gynnwys hylifau peryglus, nwy, gwrthrychau peryglus na rhannau miniog peryglus. Ni dderbynnir gwaith sy’n pydru neu’n dadelfennu, oni bai ei fod wedi’i selio mewn cas arddangos aerglos a ddarperir gan yr artist.

• Nid oes cyfyngiad ar nifer y cyflwyniadau gan artist unigol (yn unol â’r briff).

• Rhaid i’r artist ddeall nad yw cynnwys yn yr arddangosfa wedi’i warantu. Rydym yn cadw’r hawl i wrthod neu beidio arddangos gwaith penodol am resymau megis: methu â bodloni’r briff, cynnwys gwahaniaethol neu ysgogi casineb.

• Mae gennym ardal arddangos fawr, ond ni allwn warantu y bydd pob gwaith yn cael ei arddangos os bydd nifer uchel o gyflwyniadau.

• Rydych yn cytuno i’ch gwaith gael ei ffotograffu, ei ffilmio, a’i ddefnyddio ar gyfryngau cymdeithasol y sefydliad, mewn deunydd cyhoeddusrwydd, ac mewn hyrwyddiadau tebyg yn y dyfodol.

​

Diogelwch

• Gwneir pob ymdrech i ddiogelu a chadw eich gwaith yn saff, ond yn anffodus ni allwn roi gwarant, ac ni fyddwn yn derbyn atebolrwydd am unrhyw ddifrod.

• Yr artist sy’n gyfrifol am becynnu ei waith. Bydd Lois yn cynnal neu’n gwella’r pecynnu ar gyfer teithio pellach, ond ni all warantu rhag difrod nac unrhyw atebolrwydd.

• Bydd yswiriant atebolrwydd cyhoeddus ar waith yn y lleoliad tra bo’r gwaith yn cael ei arddangos yn unig.

• Os na chaiff gwaith ei arddangos (neu os na chaiff ei gasglu), bydd yn cael ei storio’n ddiogel yn stiwdio gelf Lois: 1 The Avenue, Rumney, Cardiff, CF3 3EG.

​

Prisio Gwaith a Gweithdrefn Werthu:

• Bydd rhai digwyddiadau yn cefnogi elusen benodol (cyfeiriwch at y briff). Gallwch brisio eich gwaith yn ôl eich disgresiwn eich hun.

• Ni fydd Lois yn gwerthu ar eich rhan, ond bydd yn cyfeirio partïon sydd â diddordeb at yr artist yn uniongyrchol (drwy rif ffôn neu e-bost). Bydd unrhyw werthiant yn cael ei drefnu rhwng yr artist a’r prynwr yn unig. Rhowch eich manylion cyswllt neu gerdyn busnes i Lois er mwyn iddi eu trosglwyddo i bartïon sydd â diddordeb yn unig.